"Желтоқсанның жеңісі- Тәуелсіздіктің жемісі"

Жауғаш батыр атындағы №15 жалпы орта білім беретін мектебінде Қазақстан Республикасының Тәуелсіздігінің33-жылдық мерей тойы шеңберінде 16-желтоқсан іс-шаралар жоспарына сәйкес ДТІЖО Г.Маралбаева мен тәлімгер А.Калиеваның ұйымдастыруымен "Желтоқсанның жеңісі- Тәуелсіздіктің жемісі" тақырыбында кездесу кеш ұйымдастырылып,өткізілді. Кеш қонақтары желтоқсан оқиғасының ардагерлері Тоғысбаева Айнұр Қыпшақбайқызы, Садыбекова Гүлзада Аятанқызы қатысты.Алғашқы сөз кезегінде мектеп директоры Ж.А.Усербаева бүгінгі ұлық мереке Тәуелсіздік күнімен құттықтап, өз тілегін білдірді. Кеш барысында мектеп оқушылары патриоттық әндер,билер, көркем сөздер ,өлең шумақтарын тарту етті. Сондай-ақ іс-шара барысында желтоқсан құрбандарын 1 минут үнсіз тұрып еске алды. Желтоқсан оқиғасының куәгерлері жан түршігерлік желтоқсан оқиғасын есіне ала отырып, әңгімелеп беріп,бұл Тәуелсіздік құны өте жоғары да киелі ұғым деп өз сөздерін түйіндеп айтты. Кеш соңында аудандық, мектепішілік байқауларға қатысып, жетістікке жеткен оқушыларға мақтау қағаздары табысталды. Тұғыры биік Тәуелсіздік жасай берсін! #Біртұтас_тәрбие_жамбыл #16-желтоқсан